Մենք արդեն Աշտարակում ենք: ԱՄԻՕ ԲԱՆԿԻ՝ վերաբրենդավորված, նոր լուծումներին ու ձևաչափին համահունչ «Աշտարակ» մասնաճյուղը հաճախորդների առջև իր դռները բացեց Ն. Աշտարակեցու փողոց 45-47 հասցեում: Մասնաճյուղի պաշտոնական վերաբացման արարողությանը ներկա էին հյուրեր Արագածոտնի մարզպետարանից, բանկի գործընկերներ և հավատարիմ հաճախորդներ: ԱՄԻՕ ԲԱՆԿԻ Վարչության նախագահ Գևորգ Թառումյանն ու Արագածոտնի փոխմարզպետ Հարություն Գուլյանը միասին կտրեցին խորհրդանշական ժապավենը: Արագածոտնի փոխմարզպետը վստահ է. ԱՄԻՕՆ շարունակելու է հոգատարությամբ ու ժպիտով սպասարկել հաճախորդներին՝ նպաստելով մարզի զարգացմանը:
«ԲԱՆԿԸ որդեգրել է նոր ռազմավարություն, որը հիմնված է մանրածախ և թվային բիզնեսների զարգացման վրա: Վերջերս իր նոր ռազմավարության շրջանակներում բանկը մեկնարկել է թվային քարտ, որը թույլ է տալիս հաճախորդներին AMIO MOBILE հավելվածում բացել և ակնթարթորեն ակտիվացնել Visa և Mastercard միջազգային վճարահաշվարկային համակարգի քարտեր», - հաճախորդի ֆինանսական առօրյան ավելի ապահով, հեշտ ու հարմար դարձնող թվային քարտը ներկայացրեց ԱՄԻՕ ԲԱՆԿԻ Տարածքային զարգացման դեպարտամենտի տնօրեն Սոֆյա Մաճկալյանը: Քարտերը բացելուց հետո հաճախորդը կարող է անմիջապես անկանխիկ գործարքներ կատարել. մոբայլ բանկ հավելվածում հասանելի է և՛ քարտի համարը, և՛ անկանխիկ գործարքների համար անհրաժեշտ CVV կոդը:
ԱՄԻՕՆ շարունակելու է իր հաճախորդների համար էլ ավելի հասանելի, ճանաչելի և կիրառելի դարձնել ժամանակակից թվային գործիքները՝ մեծ ուշադրություն դարձնելով մարզերի բնակիչների համար ֆինանսական հասանելիությանը: Բանկի ամբողջ մասնաճյուղային ցանցը նախատեսվում է վերաբրենդավորել մինչև 2024 թվականի վերջ՝ հանրությանը ներկայանալով բոլորովին նոր ձևափաչով, ճարտարապետական և դիզայներական հատուկ լուծումներով: