ՀԱՅԲԻԶՆԵՍԲԱՆԿԸ 2006 թվականի հուլիսի 4-ից հանդիսանում է ԱրՔա ՓԲԸ-ի թողարկող և սպասարկող անդամ: Բանկի կողմից 2006 թվականի օգոստոսի 29-ին գործարկվել է առաջին ATM-բանկոմատը Golden Palace հյուրանոցային համալիրում: Օգոստոսի 31-ին թողարկել է իր առաջին քարտը: Բանկը տրամադրում է ԱրՔա Classic դեբետայինև/կամ օվերդրաֆտային և ԱրՔա Gold վարկային քարտեր: ԱրՔա Classic քարտերի միջոցով քարտատերերի տարբեր խմբերի համար կարող են ձևավորվել համապատասխան ծառայությունների փաթեթներ, ինչպես նաև բանկի հայեցողությամբ այլ ծառայություններ: ԱրՔա Gold քարտային ծրագիրը իր մեջ ներառում է քարտատիրոջը մատուցվող ծառայությունների լայն ցանկ (վարկային գծի տրամադրում, VIP սպասարկում, ապահովագրական ծառայություններ, զեղչային և ակումբային քարտերի տրամադրում): Բանկը իրականացնում է նաև կազմակերպությունների աշխատակիցների աշխատավարձների վճարման աշխատավարձային նախագծեր:

Բանկի կողմից դրամային քարտային հաշիվներ բացվում են 2 տարի ժամկետով: Քարտատերը կարող է տարեկան սպասարկման վարձը վճարել, ինչպես անմիջապես քարտի ստացման ժամանակ, այնպես էլ ամսեկան մասերով:  

 Հայբիզնեսբանկի քարտերով կանխիկացման համար սահմանված են հետևյալ տոկոսադրույքները`  

* ՀԱՅԲԻԶՆԵՍԲԱՆԿԻ քարտը ՀԱՅԲԻԶՆԵՍԲԱՆԿԻ կանխիկացման կետում` 0.15-0.5%
* ՀԱՅԲԻԶՆԵՍԲԱՆԿԻ քարտը այլ բանկի կանխիկացման կետում` 1.0%

ՀԱՅԲԻԶՆԵՍԲԱՆԿԻ քարտերի դրական մնացորդների վրա սահմանված է 1.0-5.0% տարեկան տոկոսադրույք: Քարտը քարտապանին տրամադրվում է առավելագույնը 3 բանկային օրվա ընթացքում, շտապ պատվերի դեպքում` 1 բանկային օրվա ընթացքում:  

ԱրՔա տեղական վճարային համակարգի քարտերը տրամադրվում են 2 տարով:

Master Card 

 ՀԱՅԲԻԶՆԵՍԲԱՆԿԸ տրամադրում և սպասարկում է նաև MasterCard վճարային համակարգերի քարտեր:

 VISA INTERNATIONAL  

2009թ. մայիսի 15-ից ՀԱՅԲԻԶՆԵՍԲԱՆԿԸ տրամադրում և սպասարկում է VISA INTERNATIONAL վճարային համակարգի քարտեր  

  Պլաստիկ քարտերով գործառնությունները իրականացվում են ըստ Բանկում գործող սակագների